Shadi ki dastaan - Legend of Marriage

Urdu Font
Roman Urdu (English Font)
Shadi ki dastan (pehla saal), legend/myth of marriage (first year)

Shadi ki dastaan

Legend of marriage

abhi shadi ka pahla hi sal tha

khushi kay maray mera bura hal tha

khushiyan kuch youn umad rahi thein

kay sanbhalay nahin sanbhal rahi thein
 

 


subah subah madam ka chayai lay kar aana

thora sharmatay howay hamain neend say jagana

woh pyar bhara haath hamaray bolon mein phirana

muskuratay howay kehna k darling chayai pee loo

jaldi say ready ho jao, office ko bhi hay jana
 



Ghar wali bhagwan ka roop lay kar ayai thi

dil aur dimagh per poori tarah chai thi

saans bhi laitay thay tou naam isi ka hota tha

aik pal bhi door jeena dushwar hota tha

 

Shadi ki dastan (panch 5 saal baad), legend/myth of marriage (5 years later)

 


5 saal k baad - 5 years laters



Subah subah madam ka chayai lay kar aana

table per rakh kay zoor say chillana

aaj office jay tou munnay ko school chortay howay jana



ik baar phir wohi awaz ayai

'kia baat hay nahin chori abhi tuk chaarpayai'

agar munna late ho gia tou daikh laina

munnay ki teachers ko phir khud hi sanbhal laina

 

najanay ghar wali kaisa roop lay kar ayai thi

dil aur dimagh per kali ghata jaisay chayai thi

sans bhi laitay hain tou unhi ka khayal hota hay

har samay zahan mein aik hi sawal hota hay

kia kabhi woh din lout ayaingay

hum aik bar phir kunwaray ban payaingay